close
韓國都有共享單車，個名叫做「따릉이」 （小呂子強行音譯「打令兒」），作為一部存在係韓國既共享單車，佢地係幸福架，至少無比人𠝹爛個軚或者掉落河。相反佢地係韓國非常受歡迎，點解？租車點方便、平、單車路發展得相對完善。七蚊一粒鐘，一個鐘內還車再租仲可以免費踩多一粒鐘；租車還車點又多，教你怎麼不愛他？加上武肺，其實無咩邊個行業係可以幸免於難，小呂子都減左工時被迫減薪，唔減工時由至何，一減先知原來好多韓國人都係一樣改左放五點 ，與其同人迫地鐵不如踩下單車仲安全又健康。大概人人都有呢個想法，所以最近放工搵單車踩返屋企簡直係一場戰爭⋯ 睇住個APP話附近單車點D單車剩餘數係咁跌，嚇到心臟仔都係咁跳..😥
送上一張朝早競爭相對無咁激烈，悠閒地踩返公司途中既單車照，我就黎以為自己活緊係荷蘭架啦哈哈。
文章標籤
全站熱搜
留言列表
